"ဟာသ"(Sharing)

ကိုချက်ကြီး ကယ်ပါလိမ့်မယ်

လောကမှာ အမှတ်မထင်တာတွေလည်း ဖြစ်လာတတ်တဲ့ သဘောရှိတယ်။ ဒါတွေကို စိတ်သက်သာ ရရာရကြောင်း အားပေးစကားတစ်ခွန်းကတော့ "ကိုချက်ကြီး ကယ်ပါလိမ့်မယ်"လို့ ပြောစမှတ်ပြုကြတဲ့ ဖြစ်ရပ်တစ်ခု သရက်ရိုးရွာ မှာဖြစ်ခဲ့ဘူး ပါတယ်။
ရွှာဦးကျောင်းမှာ ဆရာတော်ကြီးနဲ့အတူ ဦးဇင်ကြီး ဦးဝါယမနဲ့ ကိုရင်သုံးပါး သီးတင်းသုံး နေထိုင်ကြပါတယ်။ ဦးဇင်းကြီး ကိုတော့ လူ့ဘ၀ နာမည် အတိုင်း "ဦးဝကြီး" လို့ပဲ ခေါ်ကြတယ်။ ဆရာတော်ကြီးနဲ့ တူဝရီးတော်သူပါ။ တရားစခန်းမှာ ဒုလ္လဘမဲပေါက်လို့ သင်္ကန်းစီးဖြစ်သွားတဲ့ တောထွက်ကြီးပါ။ သားသမီး တွေကလည်း အဝေးမှာမို့ ဆရာတော်ကြီးက လူမထွက်နဲ့လို့ တားတာနဲ့ ငါးဝါတောင်ရနေပါပြီ။ အသက်တော့ ငါးဆယ်ကျော်ပေါ့။ ငယ်စဉ်က ဘုန်းကြီးကျောင်းမှာ နေခဲ့ရလို့ ပရိတ်ကြီး ၁၁ သုတ်၊ သီလပေး၊ ရေစက်ချ တရားတွေကို အလွတ်ရ နေပါတယ်။ ပရိတ်သတ်ရှေ့ရောက်ရင် မေ့တတ်လို့ ဦးဇင်းကြီးကို သီလပေးတာတို့ တရားဟောတာတို့ မခိုင်း ပါဘူး။ ကျောင်းရဲ့ဝေယျာဝေစ္စကိုတော့ ဆရာတော် ပြန်ကြည့်စရာ မလိုအောင် ဆောင်ရွက် ပေးပါတယ်။
တစ်နေ့တော့ ဆရာတော်ကြီး အလှူကိစ္စနဲ့ မြို့ကိုကြွသွားတယ်။ တစ်ညအိပ်ပါ။ အဲ့ဒီညမှာ ရွာက ကိုငှက်ရိုးရဲ့သား ခြောက်လသား ဆုံးပါတယ် ညနေ ၆ နာရီ လောက်ဆိုတော့ ရပ်ရွာဓလေ့ ထုံးစံအရ ကလေး အသုဘကို ကျောပူအောင် မထားရလေတော့ ချက်ချင်း စီမံကြရတာပေါ့။ ကျောင်းကို ဘုန်းကြီး သွားပင့်တဲ့အခါ ဆရာတော်ကြီး မရှိတာနဲ့ ဦးဇင်းဝကြီးပဲ လိုက်လာရတယ်။ ပရိတ်သိပ်မရှိပါဘူးလို့ တောင်း တောင်းပန်ပန် နဲ့ပင့်ရတာ။
သုဿာန်ဇရပ်ပေါ်လို့ သီလပေးတဲ့အခါမှာတော့ ရှောရှောရှူရှူ။ အဲရေစက်ချ အမျှဝေတဲ့အခါမှာတော့ ဘယ်လို ဖြစ်လာသလဲမသိဘူး၊ အဆုံးသတ်လို့ မရနိုင်အောင် လည်နေတယ်။ အချိန်ကလည်း မှောင်ရီ ပျိုးစဖြစ်လာပြီ။ ဦးဇင်းကြီးမှာ လည်းသူ့တရားကို အဆုံးမသတ်နိုင်လို့ ချွေးပြန်နေပြီ။ ဒီမှာ တင်တရားနာ ပရိတ်သတ်ထဲက ကိုချက်ကြီးဆိုသူ ကထပြီး ... "ဦးဇင်းဝကြီးရဲ့ ရေစက်ချ တရားနားလည် နေပါသဖြင့် အဆုံး သတ်လို့ မရနိုင် ဖြစ်နေပါတယ်၊ ကျွန်တော်ကပဲ့ အဆုံးသတ်ပေး လိုက်ပါတယ်၊ ကဲ ..... ကဲ ...... အားလုံး အမျှ အမျှ အမျှ ယူတော် မူကြပါကုန်လော့ "
လို့ထပြီး ပြောလိုက်တယ်၊ အားလုံးက "သာဓု ... သာဓု ... သာဓု" သုံးကြိမ်ဆို လိုက်ကြပြီး အဆုံးသတ်သွား တယ်။ အဲ့ဒီတော့မှ ဦးဇင်းဝကြီးရဲ့ ရင်ထဲက အလုံးကြီးလည်း ကျသွားတော့တယ်။
"ဒကာချက်ကြီးတို့ကတော့ တော်ချက်ကွာ၊ မင်းဝင်ကယ်လို့ပေါ့ကွာ၊ နို့မဟုတ်ရင် ငါ့တရားကို ဘယ်လို ချရမှန်း(ဆုံးရမှန်း) မသိတော့ဘူးလို့ " မိန့်လိုက်တဲ့အခါ ပရိတ်သတ်တွေလည်း ငိုအားထက် ရယ်အား သန် ဖြစ်ကြရတယ်။
အဲဒီအကြောင်းကို ရွာထဲမှာ တစ်ဆင့်စကား တစ်ဆင့်နားနဲ့ ပြန်သွားပါလေရော။ တစ်ဦးတစ်ယောက်မှာ အခက်အခဲ အကျပ်အတည်း ကြုံလာကြတဲ့အခါ သိပ်ပြီး စိတ်ပူပန်မှုမဖြစ်ဘို့ ဖြေရှင်းနိုင်မယ့် အခြေအနေမျိုး ဖြစ် လာပါလိမ့်မယ်။ အားပေးစကား ပြောကြတဲ့အခါ ဦးဇင်းဝကြီးရဲ့ ဖြစ်ရပ်ကို နမူနာပေးပြီး "ကိုချက်ကြီး ကယ်ပါ လိမ့်မယ်ကွာ" ဆိုတဲ့ အားပေးစကား တစ်ခွန်းတော့ သရက်ရိုးရွာမှာ ပြောစမှတ် ဖြစ်နေပါတယ်။




K.M အေး(ကျုံပျော်)
source: the creative journal