gmail password လဲထားသူများသတိထား

အခုတလော အီးမေးလ်သုံးတာနဲ့ ပတ်သတ်ပြီး အဆင်မပြေတဲ့ကိစ္စလေးတွေ တချို့ကို ကိုယ်တိုင်လည်း မကြာခဏကြုံနေရသလို အပေါင်းအသင်းမိတ်ဆွေတွေဆီကလည်း ကြားနေရတာလေးတွေ ရှိပါတယ်။ ဒီအခက်အခဲကတော့ နည်းပညာ အခက်အခဲကြောင့် မဟုတ်ဘဲ လူကြောင့်ဖြစ်တဲ့ အခက်အခဲပါ။ ကျွန်တော့်အနေနဲ့ Gmail ရဲ့ Facility တစ်ခုဖြစ်တဲ့ Gtalk မှာကြုံနေရတာက ကိုယ့်သူငယ်ချင်းရဲ့ Gtalk လိပ်စာက Onlineဖြစ်နေလို့
သွားပြီးနှုတ်ဆက်ရင်၊ စကားပြောရင် သူတို့ကိုယ်တိုင်မဟုတ်ဘဲ သူတို့နဲ့သက်ဆိုင်သူတွေနဲ့ မကြာခဏ တိုးနေတတ်ပါတယ်။ တခါတလေ အရေးကြီးတဲ့ကိစ္စ ပြောစရာရှိပေမယ့် ကိုယ်ပြောတဲ့သူက ကာယကံရှင်ဟုတ်၊ မဟုတ် မသေချုာသလို ကာယကံရှင်ကရော သူမဟုတ်တဲ့ သူနဲ့ ပတ်သတ်တဲ့သူကို သိစေချင်လား၊ မသိစေချင်လား စသည်ဖြင့် အဆင်မပြေတာလေးတွေ ကြုံရတတ်ပါတယ်။ တခါတလေ သူငယ်ချင်းအချင်းချင်း လွတ်လွတ်လပ်လပ် chatting လုပ်ထားတာတွေကို သူ့ကောင်မလေးက ၀င်ဖတ်ပြီး ပြသနာရှာလို့ သူတို့ချင်း အချင်းများတာတွေလည်း ကြုံနေရ၊ ကြားနေရတာတွေလည်း ရှိပါတယ်။
ဒါနဲ့ပတ်သတ်လို့ ကျွန်တော့်အသိမိတ်ဆွေထဲမှာ ကံမကောင်းစွာနဲ့ အရှက်တကွဲ အကျိုးနည်းဖြစ်ရတာတွေ သင်ခန်းစာယူစရာလေးတစ်ခု ပြန်ပြီးမျှဝေပါရစေ။ ကျွန်တော့မိတ်ဆွေ ကောင်မလေးတစ်ယောက်က ချစ်သူရလာပါတယ်။ နောက်တော့ လက်ထပ်ဖို့ အထိ ရည်ရွယ်ထားလို့ မိဘတွေ သဘောတူညီမှုနဲ့ စေ့စပ်ပွဲတွေ ဘာတွေတောင် လုပ်ခဲ့ကြပါသေးတယ်။ ကောင်မလေးက သူ့ရဲ့ gmail password ပေးလိုက်ပြီး သူ့ကောင်လေးနဲ့ သူတို့နှစ်ယောက် မျှသုံးထားတာလည်း နောက်ပိုင်းတော့ သိလာရပါတယ်။
ဖြစ်ချင်တော့ တိုတိုပြောရရင် အကြောင်းမလှစွာနဲ့ဘဲ စေ့စပ်ပြီး သိပ်မကြာခင်မှာပဲ လမ်းခွဲဖို့အထိ ဖြစ်လာပြီးတော့ လမ်းခွဲလိုက်ကြပါလေရော။ လူနှစ်ယောက်အဆင်မပြေလို့ လမ်းခွဲတာ ပျော်စရာမဟုတ်ပေမယ့် လက်မထပ်ခင်ဆိုတော့ တော်သေးတယ် ဆိုတဲ့ အသိလေးတစ်ခုနဲ့ပဲ ဖြေသိမ့်ကြပေမယ့် ပြသနာက ဒီမှာပဲ ရပ်မသွားခဲ့ပါဘူး။
ကိုရွှေသကောင့်သားက သူ့ကောင်မလေးရဲ့ gmail password ကိုပြောင်းလိုက်ပြီးတော့ ကောင်မလေးနဲ့ သူနဲ့ ပတ်သတ်ခဲ့တဲ့ ကိစ္စတွေကို ကောင်မလေးရဲ့ မိတ်ဆွေအသိုက်အ၀န်းတွေ အပါအ၀င် ပို့ချင်တဲ့သူတွေဆီကို လိုက်ပို့ပါတော့ တယ်။ သူငယ်ချင်းမိတ်ဆွေတွေ အားလုံးက ပထမပိုင်းတော့ ၀င်လာတဲ့ အီးမေးလ်တွေအရ ကောင်မလေးပို့တယ်လို့ ထင်ကြတာပေါ့။ ပိုဆိုးတာက သူတို့နှစ်ယောက်ထဲ ပတ်သတ်ခဲ့တဲ့ တကယ့်ကိုယ်ရေးကိုယ်တာကိစ္စတွေကို ကောင်မလေး အသိုက်အ၀န်းမှာ၊ ကောင်မလေးအီးမေးလ်ထဲမှာ ရှိတဲ့ လိပ်စာတွေအားလုံးကို အဲဒီကောင်လေးက ပုံမှန်ပို့ပေးနေတော့တာပါပဲ။ နှစ်ကိုယ်တူချစ်ခဲ့တုန်းက ကိုယ်ရေးကိုယ်တာ chatting လုပ်ခဲ့တဲ့ အကြောင်းအရာတွေက သူတို့နှစ်ယောက်စလုံးအတွက် (အဲဒီအချိန်က) ချစ်စရာကောင်းတဲ့ ကိစ္စ ဖြစ်နိုင်ပေမယ့် အဲဒီ chatting ကို သူတို့ မချစ်နိုင်တော့တဲ့အချိန်မှာ တခြားသူတွေကို ရည်ရွယ်ချက်ရှိရှိနဲ့ လိုက်ဖြန့်တဲ့အခါကြတော့ ကာယကံရှင်မြန်မာအမျိုးသမီးတစ်ယောက်အနေနဲ့ အတော်လေး အရှက်တကွဲ အကျိုးနည်း ဖြစ်ခဲ့ရပါတယ်။
Password ကလည်း ပြောင်းထားတော့ ကောင်မလေးခမျာ သူသုံးနေကြ သူနာမည်ပါတဲ့ အီးမေးလ် Account ကိုသူပြန်ပြီး ဖွင့်လို့မရတော့တဲ့ အခြေအနေ ဖြစ်သွားပါတယ်။ အဆိုးဆုံးကတော့ သူရည်းစားဟောင်းကလည်း နိုင်ငံခြားမှာ သွားနေတဲ့သူဆိုတော့ ဥပဒေအကြောင်းအရရော လူမှုရေးအရရော ဘာမှလိုက်လုပ်လို့ မရတဲ့ အခြေအနေဖြစ်နေတော့တာပေါ့။ အဲဒီမှာ တစ်ခါထပ်ပြီး မိတ်ဆွေသူငယ်ချင်းတွေက ပုံစံအမျိုးမျိုးနဲ့ မေးတဲ့မေးခွန်းတွေကိုလည်း ဒီအီးမေးလ်တွေဟာ သူပို့တာမဟုတ်ပါဘူး၊ သူနဲ့မဆိုင်ပါဘူးလို့ ဆိုပြီး နေ့စဉ်နီးပါးဒိုင်ခံရှင်းနေရပေမယ့် ပို့တဲ့သူက သူနဲ့စေ့စပ်ထားဖူးခဲ့တဲ့သူ ဖြစ်ခဲ့တာကို သိထားကြတော့ ပိုဆိုးတာပေါ့။ မိတ်ဆွေ အပေါင်းအသင်းတွေ အနေနဲ့လည်း စိတ်မကောင်းရုံကလွဲပြီး ဘာမှ မတတ်နိုင်ကြပါဘူး။
တကယ်တော့ Password ပေးသုံးတဲ့ အများဆုံးသော ရည်ရွယ်ချက်ကတော့ ကိုယ်ကနေပြီးတော့ အခြားတစ်ယောက်ကို ယုံကြည်တယ်ဆိုတာကို ပြချင်တာပါပဲ။ ကိုယ်ချစ်တဲ့သူကို စိတ်ချလို့၊ ယုံကြည်လို့ဆိုတာ ကိုယ်ပဲသိတဲ့ လျှို့ ၀ှက်ချက်နဲ့မှ သိခွင့်ရတဲ့ ကိုယ်ရေးကိုယ်တာကို ပေးသိတာပါ။ တချိန်ထဲမှာပဲ ကိုယ့်အနေနဲ့ ဘယ်လောက် အရှုပ်အရှင်းကင်းတယ်၊ တစ်ဖက်လူအပေါ်မှာ ဘယ်လောက်ရိုးသားတယ်ဆိုတာကို သက်သေပြချင်တာတွေလည်း ပါပါတယ်။ တနည်းအားဖြင့် တစ်ဖက်သားကို ကိုယ့်ကို ယုံကြည်စေချင်တဲ့အတွက် ကိုယ်ကယုံကြည်ရတဲ့ အခြေအနေရှိနေပါတယ် ဆိုတာကို သိစေဖို့လို့ ကိုယ့်ရဲ့လျှို့ ၀ှက်ရမဲ့ Password ကို ပေးသိပြီး အီးမေးလ်ကို ပေးသုံးတာပါ။
ဒီနေရာမှာ အားမနာတမ်း စဉ်းစားဖို့ကောင်းတာက လူနှစ်ယောက်ဘယ်လောက်အတိုင်းအတာထိ ရည်ရွယ်ပြီး ရင်းနှီးရင်းနှီး တကယ်တမ်းကြတော့ သူစိမ်းတွေချည်းပါပဲ။ လင်ရယ်၊ မယားရယ် ဖြစ်လာရင်တောင်မှ သူစိမ်းတွေပါပဲ။ အရင်းနှီးဆုံးသူစိမ်း လို့တော့ပြောလို့ရတာပေါ့။ သို့ပေမယ့် အရင်းနှီးဆုံးသူစိမ်းတွေကို ရင်းနှီးနေတဲ့အချိန်မှာ ဘာပြသနာမှ မရှိပေမယ့် အကြောင်းကြောင်းကြောင့် ဆက်ပြီးမရင်းနှီးနိုင်တဲ့အခါမှာတော့ သာမန်သူစိမ်းတွေလို ပြန်ဖြစ်နိုင်ခဲလှပါတယ်။ ဒီတော့ အရင်းနှီးဆုံးလည်း မဟုတ်တော့တဲ့ သာမန်လိုလည်း ပြန်မဖြစ်နိုင်တော့တဲ့ ကိုယ့်အကြောင်းသူသိ၊ သူ့အကြောင်းကိုယ်သိနေတဲ့ သူစိမ်းနှစ်ယောက်အနေနဲ့ ရှေ့ဆက်မပတ်သတ်တော့ရင် ပြသနာမရှိပေမယ့် စေတနာဆိုးတွေနဲ့ တနည်းမဟုတ်တနည်း လိုက်ပတ်သတ်တယ်ဆိုရင်တော့ ပတ်သတ်သူရော၊ ပတ်သတ်ခံရသူရော နစ်နာမှုတွေရှိလာပါတယ်။
ဒါတွေအားလုံးရဲ့ မြစ်ဖျားခံရာ အကြောင်းတစ်ခုက ဆိုခဲ့သလိုပဲ ယုံကြည်မှုရှိစေချင်လို့လုပ်ခဲ့ရာကနေ ဖြစ်လာတဲ့ ယုံကြည်မှုအလွဲသုံးစားလုပ်ခံရတဲ့ နောက်ဆက်တွဲ အကျိုးဆက်တွေပါ။ ဒါဆိုရင် ကျွန်တော်တို့အနေနဲ့ ကိုယ်နဲ့အရင်းနီးဆုံးသူကိုတောင် မယုံရတော့ဘူးလား၊ မယုံဘူးဆိုရင်ကော သူနဲ့ကိုယ်နဲ့ရှိနေတဲ့ကြားထဲက ချစ်ခြင်းမေတ္တာကကော ဘယ်လောက်အထိ အဓိပါယ်ရှိလို့လဲ။ အရင်းနှီးဆုံးသူ(ကိုယ့်ချစ်သူ)ကကော ကိုယ့်ကို ဒီလိုလုပ်ပါ့မလား စသဖြင့် တွေးစရာတွေ ရှိလာပါတယ်။
ဒီနေရာမှာ ပရိုက်ဗေစီ လို့ခေါ်တဲ့ လူတစ်ဦးချင်းစီရဲ့ ကိုယ်ပိုင်ကိုယ်ရေးကိုယ်တာကိစ္စနဲ့ ပတ်သတ်လို့စဉ်းစာစရာတွေ အများကြီးရှိလာပါတယ်။ လူနှစ်ယောက်ပတ်သတ်လို့ ဘယ်လောက်ပဲရင်းနှီးရင်းနှီး သူစိမ်းတွေဖြစ်လို့ လူတိုင်းမှာ သူတို့နဲ့ပတ်သတ်တဲ့ ပရိုက်ဗေစီဆိုတာ ရှိကြစမြဲပါ။ ခက်တာက လူဆိုတာ ဘယ်လောက်ပဲ အသိုက်အ၀န်းနဲ့နေနေ ကိုယ့်ကိုနားလည်ပေးမဲ့သူ၊ ယုံကြည်ရတဲ့သူတွေ ဘယ်လောက်ပဲရှိရှိ ဘယ်သူ့ကိုမှ ပြောပြလို့မရတဲ့ အခြေအနေမျိုး၊ တစ်ယောက်တည်းပဲ ရင်ဆိုင်ဖြေရှင်းရတဲ့ အခြေအနေမျိုးကို အခါများစွာ ကြုံတွေ့ရပါတယ်။ ဒါကြောင့်လည်း လူတိုင်းမှာ ပရိုက်ဗေစီ ရှိကြသလို လူနှစ်ယောက် ပတ်သတ်တဲ့အခါမှာလည်း ဒါကိုလေးလေးစားစားနဲ့ အသိအမှတ်ပြုဖို့လည်း လိုပါတယ်။
ကျွန်တော်တို့ လူငယ်သမီးရည်းစားတွေအနေနဲ့ အချင်းချင်း ယုံကြည်မှုရှိလို့ ပတ်သတ်ကြတာမှန်ပေမယ့် အဲဒီယုံကြည်မှုမှာ လေးစားမှုကို အခြေခံဖို့လိုပါတယ်။ ကိုယ်ကချစ်လို့ ယုံကြည်တယ်ဆိုပေမယ့် အဲဒီယုံကြည်မှုဟာ လေးစားမှုမရှိရင် အခြေအနေပေါ် လိုက်ပြီး ပြောင်းလဲတတ်ပါတယ်။ တနည်းပြောရရင် ရင့်ကျက်မှုမရှိတဲ့ လေးစားမှုဟာ ပြည့်ဝတဲ့ယုံကြည်မှုကို မတည်ဆောက်နိုင်ပါဘူး။ မပြည့်ဝတဲ့ ယုံကြည်မှုဟာ အယုံလွယ်တဲ့ ကာယကံရှင်တွေကို အန္တရယ်ပေးနိုင်သလို နားလည်မှုရှိတဲ့ ဆက်ဆံရေးကို မထူထောင်နိုင်ပါဘူး။
ကျွန်တော့်အနေနဲ့ကတော့ အီးမေးလ် လိပ်စာဆိုတာစာ လက်ကိုင်ဖုန်းလို မျှသုံးလို့ ကောင်းတဲ့ ကိုယ်ပိုင်ပစ္စည်းမဟုတ်ဘူး ထင်ပါတယ်။ ပညာရေးအရပဲဖြစ်ဖြစ်၊ လူမှုရေးအရပဲဖြစ်ဖြစ်၊ လုပ်ငန်းခွင်မှာပဲဖြစ်ဖြစ် နေ့စဉ်ဘ၀မှာ သုံးနေသမျှသော အီးမေးလ်တွေဟာ ကိုယ့်ရဲ့ကိုယ်ပွား၊ ကိုယ့်ကို ကိုယ်စားပြုနေတဲ့ Identify ဖြစ်နေတယ်ဆိုတာကို သိထားသင့်ပါတယ်။
မဟော်သဓာဇာတ်တော်ထဲမှာ မဟော်သဓာနဲ့ သူ့ရဲ့ ပြိုင်ဘက် ပညာရှိအမတ်ကြီးလေးယောက်ကို အခါတပါးမှာ ပြည့်ရှင်ဝိဒေဟရာဇ် မင်းကြီးက မေးခွန်းတစ်ခုမေးပါတယ်။ ကိုယ်နဲ့ဆိုင်တဲ့ လျှို့ဝှက်အပ်တဲ့အရာကို ဘယ်သူ့ကို ပြောသင့်သလဲဆိုတဲ့ မေးခွန်းပါ။ အခြားပညာရှိအမတ်ကြီးတွေကတော့ အမျိုးမျိုးသော သူတို့နဲ့ အရင်းနှီးဆုံးဖြစ်တဲ့သူတွေကို ပြောပြသင့်တယ်လို့ ဖြေခဲ့ပါတယ်။ ဒါပေမယ့် မဟော်သဓာကတော့ ဘယ်သူ့ကိုမှ မပြောပြသင့်ဘူးလို့ ပြန်ဖြေခဲ့ပါတယ်။ နောက်ဆုံးဇာတ်ပေါင်းတော့ လျှို့ ၀ှက်ချက်တွေကို ပြောပြမိခဲ့တဲ့ ပညာရှိအမတ်ကြီးတွေ အရှက်တကွဲ အကျိုးနည်းဖြစ်ခဲ့ပြီးတော့ ဇာတ်သိမ်းသွားခဲ့ရပါတယ်။
ကျွန်တော်တို့ လူငယ်များလည်း ဇာတ်သိမ်းမလှ မဖြစ်ဖို့အတွက် လျှို့ဝှက်ရမယ့်ကိစ္စကို လျှို့ဝှက်ထားပြီး မိမိကိုယ်ရော သူတစ်ပါး ပရိုက်ဗေစီကို လေးလေးစားစားနဲ့ အသိအမှတ်ပြုနိုင်အောင် ကြိုးစားရင်း အီးမေးလ်ဒုက္ခသည်များအဖြစ်မှ ကင်းဝေးနိုင်ပါစေကြောင်း ရိုးသားစွာဆန္ဒပြုရင်............။ ။

March လထုတ် teen Magazineမှ သူရိန်ငယ်ရေးသားသော ဆောင်းပါးဖြစ်ပါသည်။